Скопјанец под истрага за недозволена трговија со хашиш во Куманово

Секторот за внатрешни работи Куманово поднесе кривична пријава против А.М.(45) од Скопје поради постоење основи на сомнение дека сторил кривично дело „неовластено производство и пуштање во промет на наркотични дроги, психотропни супстанци и прекурсори“.

Како што соопшти денеска МВР, на први септември годинава на локален пат во атар на село Никуштак, општина Липково, полициски службеници извршиле преглед на пријавениот при што пронашле и одзеле наркотична дрога хашиш со нето тежина од 306 грама.

По спроведена постапка пред Основен суд Куманово, тој бил спроведен во Казнено-поправната установа Затвор Кшање.