Седумдесетгодишна жена пронајдена мртва во стан во Скопје

Седумдесетгодишна жена вчера била пронајдена почината во стан во Скопје. Како што информираат од МВР, вчера попладне во 16:30 часот во ПС Аеродром било пријавено дека во стан на булевар „Видео Смилевски – Бато“ била пронајдена почината Љ.Ф. (70).

Откако е влезено во станот, била повикана итна медицинска помош и од страна на лекар е констатирана смрт без траги на насилство.

Известен е јавен обвинител, кој дал насоки телото на починатата да се предаде на семејството за погреб.

При влегувањето во станот, вчера од 17:15 часот до 18.40 часот интервенирала и екипа на Бригадата за противпожарна заштита на Град Скопје.