Викенд без ДДВ наредната недела, за другите мерки ќе се чека на Законите

Новите економски мерки од четвртиот пакет за поддршка на стопанството ќе почнат да се користат од наредната недела, најави денеска вицепремиерот, Фатмир Битиќи.

Како што информира Битиќи денеска во Штип, се прават и последните законски подготовки за викендот без ДДВ.

-Првата мерка е веќе следната недела, се прават последните законски подготовки за викендот без ДДВ и веќе, да кажеме дека сме во средина на подготовка на следните законски измени, секако субвенционирањето на плата ќе го опфати октомври. Тоа значи дека до крај на октомври ќе ги имаме законско решение, ќе почнеме веќе од наредниот викенд и секој месец една по една од мерките ќе биде активна, вели Битиќи.

Вицепремиерот задолжен за економски прашања ја посети компанијата „Актива“ и имаше средба со стопанствениците од Штип.