Јунајтед го објави првиот од очекуваните трансфери

Манчестер Јунајтед официјално го објави трансферот на Алекс Телеш од Порто. Левиот бек потпиша четиригодишен договор со опција за продолжување на дополнителни 12 месеци. Според англиските медиуми, „црвените ѓаволи“ првично ќе платат 15 милиони евра за 27-годишниот Бразилец плус три милиони во форма на бонуси.

– Преминувањето во клуб со престиж на Манчестер Јунајтед е голема чест. Можам да ветам дека ќе дадам се од себе да го направам мојот престој успешен. Освоив многу трофеи со Порто и сакам да продолжам да го правам истото со Јунајтед. Менаџерот има јасен план за правецот во кој тимот сака да оди. Едвај чекам да го облечам славниот дрес, рече Телеш.

Менаџерот на Манчестер Јунајтед, Оле Гунар Солскјер, соопшти дека тој е играч што го следи веќе некое време.

– Неговиот учинок во последните неколку години е токму она што го бараме. Тој е борец и победник, додаде Норвежанецот.