33.621 денар се потребни за задоволување на месечните основни потреби
Вредноста на Синдикалната минимална кошничка за септември 2020 година изнесува 33.621 денар.
Како што соопшти Сојузот на синдикатите на Македонија (ССМ), од елементите што ја сочинуваат кошничката, на исхрана и пијалаци отпаѓаат 14.064,5 денари, на домување 1. 788,99, на хигиена 23.79,82, на превоз 2.466,69, на облека и обувки 2 138,02, на култура 1 066,79, додека на одржување на здравје 716,20 денари.
Повикувајќи се на Државниот завод за статистика, ССМ потсетува дека просечната нето-плата во јули годинава била 27.231 денар, додека бруто платата изнесувала 40.640 денари. Тогаш, вредноста на Синдикалната минимална кошничка беше 33 265,08 денари.
Висината на просечната бруто и нето плата за август и септември се уште не е објавена.
