116 возачи казнети во Струмица
Министерството за внатрешни работи вчера спроведе засилена акциска контрола во областа на сообраќајот на територија на Струмица. Изречени се 116 санкции, меѓу кои 32 за нерегистрирани возила, а санкционирани се и шест мотоциклисти.
Како што соопшти МВР, засилените сообраќајни контроли продолжуваат и во наредните денови.
– Апелираме граѓаните да ги почитуваат сообраќајните правила и прописи за да ја зголемиме безбедноста во сообраќајот, се вели во соопштението од МВР.
