Статистика пресмета дека просечната месечна нето плата во август изнесувала 27.535 денари

Просечната месечна нето плата по вработен во август годинава изнесува 27.535 денари, објави Државниот завод за статистика.

Според објавените податоци, нето платата бележи раст од 9,6 отсто, што се должи пред се на зголемувањето на просечната месечна исплатена нето-плата по вработен во секторите: уметност, забава и рекреација за 20,4 отсто, земјоделство, шумарство и рибарство 16,9 осто и дејности на здравствена и социјална заштита 13,2 отсто.

Зголемување на просечната месечна исплатена нето-плата по вработен, во однос на претходниот месец, е забележано во секторите: уметност, забава и рекреација за 18,4 отсто, земјоделство, шумарство и рибарство 9 отсто и објекти за сместување и сервисни дејности со храна 4,7 отсто.

Според податоците на Државниот завод за статистика, просечната бруто плата изнесува 41.070 денари и бележи раст од 10 отсто.