Награда за животно дело „Гемиџии“ за 2020 за проф. д-р Сашко Јовев за извршенатa прва трансплантација на срце
Поради состојбата со Ковид-19, за првпат оваа награда ќе се додели онлајн, информира за МИА Ќирил Гајдов, претседател на Советот на Општина Велес.
На предлог на Комисијата за општествени дејности, Советот на Општина Велес на синоќешната вонредна седница донелa одлука наградата за животно дело „Гемиџии" за 2020 гпдона да му ја додели на проф. д-р Сашко Јовев за првата трансплантација на срце во земјава. Наградата ќе му биде врачена на свечена седница на Советот на Општина Велес по повод 9 Ноември – Денот на општината.
Поради состојбата со Ковид-19, за првпат оваа награда ќе се додели онлајн, информира за МИА Ќирил Гајдов, претседател на Советот на Општина Велес.
Наградата за најстудент „Ѓорѓи Шоптрајанов" ќе ја додели на Ана Трајчева, студент на Факултетот за медицински науки – Штип, насока дентална медицина.
Спомен плакета 9-ти Ноември на Општина Велес ќе добие Инфективното одделение, Службата за итна медицинска помош, Центарот за јавно здравје и епидемилошка служба и тимот на лекари кои ја направија првата трансплантација на срце д-р Тања Анѓушева-кардиолог, д-р Димче Славевски-кардиоанестезиолог, д-р Александар Колев-специјализант по кардиохирургија, Катерина Ристовска Јанев и Александра Ристовска Тинев- инструментарки.
По барање на градоначалникот Аце Коцевски и во координација со советничките групи, Комисијата за општествени дејности изврши дополнување на извештајот од Комисијата, при што се предлага дополнување на Одлуката во делот на наградата Спомен плакета истата да биде доделена и на Здружението на матичните лекари – Велес.
Благодарница 9-ти Ноември ќе добијат Енис Фазлагиќ, Љубомир Спасиќ – кајакар, Лајонс клуб Велес и Семејството на Пиневи.
Исто така, пофалници 9-ти Ноември ќе добијат и пијанистот и диригент на Градскиот камерен оркестар м-р Илија Настовски, ликовните уметници Филип Коруновски и Снежана Лазарова Луна и Кристијан Андовски.
