Две крводарителски акции во тетовско оваа недела

Општинска организација на Црвен крст Тетово заедно со стручни тимови од Центар за трансфузиона медицина Тетово оваа недела организира две крводарителски акции.

Акциите ќе се спроведат во Голема Речица и Брвеница.

-Во просториите на централна џамија во Голема Речица, в петок на 29 јануари ќе се организира акција на крводарување со почеток од 12:40 до 15:00 часот. Во недела на 31 јануари ќе се организира и традиционалната акција која на овој датум се прави во Брвеница. Во зградата на општината тимовите ќе бидат од 9:30 до 14:30 часот, соопшти информира Шкљќим Мурати, секретар во општинската организација на Црвен крст Тетово.

Во 2020 година собрани се вкупно 2121 единици крв на подрачјето на Тетово и петте рурални општини.