Федерер се врати со победа

Швајцарскиот тенисер Роџер Федерер, по пауза од 13 месеци поради повреда, денеска се врати на теренот со победа над Британецот Даниел Еванс со 7:6 (10:8), 3:6, 7:5, во рамки на второто коло на турнирот во Доха.

Негов следен противник ќе биде Грузиецот Николоз Базилашвили, кој претходно беше подобар од Малек Жазири од Тунис со 2:0 во сетови.

Турнирот во Доха е од серијата 250 и се игра за вкупен награден фонд од 787.930 долари.