Претрес во кичевско, приведен дилер на дрога

На 18.05.2021 во 19.30 часот во Кичево, полициски службеници од ОВР Кичево го лишиле од слобода С.И.(48) од с.Гарани, кичевско. При претрес во неговиот дом, извршен со судска наредба, биле пронајдени и одземени марихуана, дигитална вага и разни предмети со остатоци од прашкаста материја.

Тој бил приведен и задржан во ОВР Кичево и по целосно документирање на случајот ќе биде поднесена пријава по 215 од Кривичниот законик за „неовластено производство и пуштање во промет на наркотични дроги, психотропни супстанции и прекурсори“.