Избркан управител од обложувалница во Тетово од касата неовластено земал над 400.000 денари

СВР Тетово поднесе кривична пријава против Д.Ѓ.(37) од Скопје, поради постоење основи на сомнение за сторено кривично дело „затајување“ и Д.Ш.(43) од Тетово, поради постоење основи на сомнение за сторени две кривични дела „соизвршителство“ и „помагање“.

На 23 април 2021, пријавениот Д.Ѓ. отишол во спортска обложувалница во Тетово, во која претходно бил управител, ги отстранил рекламните материјали и од касата земал 439.400 денари. Истиот ден, кога менаџерот на обложувалницата се јавил на второпријавениот и побарал да ги уплати парите на сметка на обложувалницата, тој го известил дека парите ги земал првопријавениот Д.Ѓ..