Академија Балканика Еуропеана, промотор на балканските креативни вредности
Со театарската претстава „Дон Жуан“ од Молиер, во изведба на младите театарски уметници од класата на Проф. Дејан Пројковски, при Интернационалниот универзитет Еуропа Прима, вчера на 27 мај, заврши меѓународниот настан: „БАЛКАНОТ Е СРЦЕТО НА ЕВРОПА - Академија Балканика Еуропеана, промотор на балканските креативни вредности“.
На настанот кој се одвиваше во организација на ACADEMIA BALKANICA EUROPEANA, со поддршка на Интернационалниот универзитет Еуропа Прима од Скопје и Кинотеката на Македонија, со свои изведби и дела, (фотографска изложба, филмска презентации, тетарски претстави и други културни и уметнички перформанси) настапија повеќе млади уметници од регионот.
Academia Balkanica Europeana (www.ab-europeana.org) обединува повеќе значајни творци од областа на културата, науката и уметноста од десет балкански земји, со цел да имовозможи на културната јавност и младите луѓе од регионот да ги откријат темите и предизвиците на уметничкиот и културниот свет во својот оригинален контекст.
Од повеќето содржини на манифестацијата, вреди да се издвојат театарската изведба „Госпоѓица Јулија“, на студентите од класата на Проф. Мето Јовановски и настапот на младите музички уметници од класите на Проф. Љупчо Коскаров и Проф. Дарко Мариновски.
Во текот на трите дена во кои што се одвивше манифестацијата, беа оранизирани и онлајн мастер класови, по фотографија на Проф. Роберт Јанкулоски и по актерска игра, од Лаерти Васили, познат актер од Албанија.
Исто така, во рамките на манифестцијата се одржа меѓународна онлајн конференција по наслов: "БАЛКАНОТ Е СРЦЕТО НА ЕВРОПА - Преплетување на културните идентитети како поттик на креативна експресија", на која учествуваа повеќе значајни интелектулци и творци од Македонија и регионот како, Проф. Јордан Плевнеш, Проф. Александар Прокопиев, Проф. Елизабета Шелева, Проф. Башким Шеху, Проф.Јон Карамитру итн.
На крајот од конференцијата, на предлог на Проф. Жан-Патрик Конрад од Империал колеџ од Лондон, беше одлучено во текот на 2022 година страна на ACADEMIA BALKANICA EUROPEANA да се организира меѓународна конференција на тема: „Балканските културни трезори (материјално и нематеријално богатство) во европската историја и цивилизација“.
