133 сообраќајни прекршоци во Скопје, 64 за брзо возење

Министерството за внатрешни работи во текот на вчерашниот ден (30.05.2021) продолжи со засилените акциски контроли во областа на сообраќајот.

На територијата на град Скопје изречени се вкупно 133 мерки, меѓу кои за возење повеќе од дозволената брзина 64 санкции, осум за возење без возачка дозвола, три за минување на затворен сигнал (црвено светло).

Изречени се три санкции за користење мобилен телефон, 14 прекршоци што ги чинат возачите на мотоцикли, 19 санкции за непрописно паркирање.

Засилените акциски сообраќајни контроли продолжуваат.