Предложени парични казни за четири лица, не го почитувале полицискиот час

Основното јавно обвинителство Скопје предлага четири лица да бидат казнети со по 2.000 евра поради непочитување на полицискиот час. До надлежен суд, како што соопшти денеска Јавното обвинителство, се поднедени предлози за издавање казнени налози против четири лица за кривично дело – Непостапување според здравствените прописи за време на епидемија од член 206 став 1 од Кривичниот законик.

-Обвинетите биле затекнати при непочитување на полицискиот час определен како мерка за заштита и превенција на ширењето на коронавирусот. Надлежен јавен обвинител му предложи на Судот за сите обвинети да определи парични казни од по 100 дневни глоби при што висината на една дневна глоба да ја одреди на износ од 20 евра во денарска противвредност, информираат од ЈО.