Приведен криминалец од Гостивар, пронајден хероин

На 30.06.2021 околу 13.00 часот, од полициски службеници од Единицата за недозволена трговија при СВР Скопје на наплатната рампа Глумово во правец кон Тетово, бил лишен од слобода П.К.(49) од Гостивар. Полициски службеници сопреле патничко возило „пасат“, со гостиварски регистарски ознаки, управувано од П.К.., кај кого при извршен преглед бил пронајдени и одземени околу 60 грама хероин.

Покрај ова, П.К. се барал и по наредба од Основен суд Гостивар за издржување на затворски казни за сторени кривични дела по чл.215, чл.396 и чл.236 од Кривичниот законик.

Тој бил приведен и задржан за понатамошна постапка.