131 санкционирани возачи на мотоцикли на територијата на цела држава

Во текот на вчерашниот ден (06.07.2021) во периодот од 20.00 до 24.00 спроведена е зајакната акциска контрола на територијата на Република Северна Македонија за санкционирање на прекршоци што ги чинат возачите на мотоцикли, при што санкционирани се 131 возач.

Од нив, 30 возеле без возачка дозвола, 82 возачи не користеле заштитна кацига за време на возење, четири мотоцикли се одземени поради истечена сообраќајна дозвола и предизвикување голема бучава, а санкционирани се и други прекршоци.

Засилените акциски контроли продолжуваат и во наредните денови.