Тенис Австралија: Неодамнешните настани го одвлекуваа вниманието и длабоко жалиме како тоа влијаеше на сите играчи

Тенис Австралија објави соопштение во врска со случајот Новак Ѓоковиќ. На првиот светски рекет му беше поништена визата, а тој не можеше да учествува на Австралија опен.

Тенис Австралија нагласи дека ја почитува одлуката на министерот за имиграција.

– Нивните приоритети се „домаќин на еден од врвните спортски настани во светот“ и „обезбедување на најдобри услови за сите играчи, навивачи и јавноста“. Како австралиско тениско семејство, признаваме дека неодамнешните настани го одвлекуваа вниманието и длабоко жалиме за влијанието што ова го имаше врз сите играчи. Секогаш има што да научиме, а ние ќе го анализираме секој аспект од нашата подготовка и однесување за да го искористиме во планирањето – како што правиме секоја година. Ние – како играчите и сите тениски фанови овде и ширум светот – навистина сакаме целото внимание сега да биде насочено кон играта што сите ја сакаме толку многу, се вели во соопштението.

Во текстот повторно не се споменува самиот Ѓоковиќ.