Само две носителки стигнаа до четвртфиналето на турнирот во Мадрид

На женскиот дел од тенискиот турнир во Мадрид во четвртфиналето се пласираа само две носителки. Во првите три кола 14 од 16-те фаворитки се елиминирани.

Само Онс Џабер (8) и Џесика Пегула (12) од носителките изборија пласман во четвртфиналето.

За пласман во полуфиналето Џабер ќе игра со двократната шампионка Симона Халеп, а Пегула со Сара Сорибес-Тормо.

Другите две двојки се: Екатерина Александрова – Аманда Анисимова и Анхелина Калинина – Џил Белен Тајхман.