Домаќинот Финска прв финалист на СП во хокеј на мраз

Во финалето на Светското првенство од елитната група во хокеј на мраз пласман први обезбедија хокеарите на Финска, откако домашната репрезентација триумфираше во полуфиналето над САД со 4-3 (1-1, 2-1, 1-1).

Противник на домаќинот на годинешното Светско првенство во финалето ќе биде победникот од дуелот меѓу Канада и Чешка.

На последните две првенства во финалните натпревари играа Канада и Финска.

Финците ја освоија титулата во 2019 година, а Канаѓаните триумфираа на завршниот турнир лани.