Во Струмица се одржа големата „Get EXITed“ забава во рамки на „Егзит“ фестивалот

Во Струмица синоќа се одржа одржа големата „Get EXITed“ забава во рамки на „Егзит“ фестивалот на која настапија имиња од светската и регионална музичка сцена.

Пред сцената поставена во Градскиот парк во Струмица голем број посетители се забавуваа со сетовите на познатите диџеи до раните утрински часови, а влезот беше слободен.

Забавата беше отворена со вински и гастрономски саем, а на сцената први се појавија Дина Јашари и Другари, култниот македонски бенд 21 Век, Диџеј Гоце САФ и Диџеј Чваре (Фанки Фреш), а потоа на бината се појави регионалната трап-кралица Сенида.

Забавата продолжи со Махмут Орхан, Кристијан Молнар, а вечерта ја круниса италијанската техно-ѕвезда Дебора Де Лука.

Според организаторите од Фестивалот „Егзит“, идната година треба да се случи и фестивалско издание во Струмица, кој треба да стане нова важна туристичка дестинација на Балканот.