Кумановчанец нашол кредитна картичка, од неа успеал да потроши 229.000 денари
Полициски службеници од СВР Куманово го лишиле од слобода Р.Х.(48) од Куманово.
Тој се сомничи дека откако пронашол платежна картичка на 40-годишна жена од Куманово од неа извршил повеќе нелегални трансакции во вредност од 229.531 денари.
Платежната картичка била пронајдена и вратена на сопственичката. Лицето било задржано во полициска станица и по целосно документирање на случајот против него ќе следува соодветна пријава.
