Кривична пријава за 22 годишен Струмичанец за компјутерска измама, оштетил фирма за околу 500.000 денари

СВР Струмица поднесе кривична пријава против Б.Д.(22) од с.Дабиле, Струмичко, поради постоење основи на сомнение за сторено кривично дело „компјутерска измама’’.

Во периодот од 01.07 до 30.10.2022, пријавениот во повеќе наврати вршел бришење на компјутерски податоци на правен субјект од Струмица, при што предизвикал невистинит резултат при електронската обработка и преносот на податоците, со што го оштетил правниот субјект за сума од 493.860 денари.