Саем на креативни индустрии во Битола

Во Офицерскиот дом во Битола денеска од 11 до 19 часот ќе се одржува Саем на креативни индустрии на кој ќе има повеќе изложувачи од Битола и околината.

Ќе бидат претставени креации од мода, уметност, музика, дизајн, видеоигри, филмови, аугментирана реалност, гастрономски производи, уникатни креации, литература… Влезот е бесплатен. -Целта на саемот е да го прикажеме нивниот потенцијал и што сè креативноста може да создаде.

Настанот е од едукативен карактер и фокусот е, пред сè, на децата и младите. За нив ќе има многу изненадувања, соопштија организаторите.