Литературно читање во Гостивар

Литературно читање со афирмирани македонски писатели ќе се одржи денеска на пладне во Домот на културата во Гостивар. Ќе настапат Христо Петрески, Кристина Николовска, Горјан Петревски, Сена Ариф и Лулзим Хазири.

Организатори на литературното читање се Градската библиотека од Гостивар и Друштвото на писателите на Македонија.

На литературното читање ќе присуствуваат ученици од основните и средните училишта од Гостивар.

Со ова литературно читање продолжува серијата литературни читања во училиштата, градинките, библиотеките, домовите на културата, факултетите и другите културни установи и институции ширум земјава, а во организација и со настап на членовите на Друштвото на писателите на Македонија.