Доделени награди за најредовните читатели на тетовската библиотека за 2022 година

Библиотеката „Кочо Рацин“ од Тетово денеска ги награди дваесетте најредовни читатели во текот на 2022 година. По тој повод Центарот за култура организираше манифестација на која беа доделени награди и подароци на најактивните читатели.

–Комисијата за избор на најдобри читатели за 2022 година имаше тешка задача да ги издвои најдобрите и најактивните читатели за 2022 со оглед на тоа дека библиотеката има голем број активни и редовни читатели. Избрани се 20 читатели, 12 од Одделот за возрасни кои ги опфаќаат сите категории (ученици, вработени, пензионери..) и осум активни и редовни читатели од Одделот за деца, информираа од библиотеката „Коцо Рацин“.

Тетовската библиотека брои околу 9.000 членови.