Отворен повик за креирање на домашната порака по повод Светскиот ден на театарот – 27 Март

Објавен е Отворениот повик до театарската заедница во земјава за пишувањето на домашната порака по повод Светскиот ден на театарот, кој ќе се одбележи на 27 март 2023 година.

-На повикот може да се пријават драмски академии, театри, фестивали, независни организации, индивидуалци …) да предложите/номинирате свој/а кандидат/ка – театарски режисери, актери, актерки, драматурзи, драмски автори, продуценти, менаџери, театролози, сценографи, костимографи за создавање-пишување на домашната порака по повод Светскиот ден на театарот –27 Март, кој редовно го одбележуваме и во Република Македонија, наведуваат од Македонскиот центар ИТИ/ПРОДУКЦИЈА.

Крајниот рок за пристигнување на номинациите е 10 февруари 2023. Номинациите со име, презиме на лицето кое се номинира, пропратени со кратка професионална биографија и една фотографија треба да се испратат на мејлот: macedoniancenterofiti@gmail.com, со назнака „За Светскиот ден на театарот – 27 март 2023 г.