Поради Ден на жалост, кумановскиот Центар за култура ги откажа денешните настани

Кумановскиот Центар за култура „Трајко Прокопиев“ го одложи вечерашниот концерт, поради прогласениот ден на жалост во спомен на жртвите од разорните земјотреси во Турција и Сирија, соопштија денеска од установата.

- Поради прогласениот, Ден на жалост за катастрофата и жртвите од земјотресот во Турција и Сирија се одлага вечерашниов закажан концерт. Воедно упатуваме сочувство за големата трагедија која ги погоди Турција и Сирија, наведуваат од центарот за култура.

Младинскиот оркестар требаше да одржи концерт во малата сала на установата со почеток во 20 часот.

Од НУЦК информираа дека дополнително ќе известат за терминот.