Ѓоковиќ ќе настапи на мастерсот во Монте Карло

Најдобриот светски тенисер Новак Ѓоковиќ се наоѓа на листата учесници на мастерс турнирот во Монте Карло што ќе се одржи од 9. до 16. април.

Ѓоковиќ го пропушти мастерсот во Индијан Велс бидејќи не му беше дозволен влез во САД, а, најверојатно, од истите причини нема да настапи ниту на турнирот во Мајами кој започнува на 22 март.

На листата учесници на мастерсот во Монте Карло се Рафаел Надал, Карлос Алкараз, Данил Медведев, Андреј Рубљов, Стефанос Циципас, Каспер Руд, Тејлор Фриц и Александер Зверев.

Турнирот во Монте Карло изминатите две години го освојуваше Циципас, а Ѓоковиќ на овој турнир има две титули во кариерата (2013 и 2015).