Германија го откажа Светскиот куп во мечување поради Русија

Германскиот мечувалечки сојуз ја откажа организацијата на Светскиот куп во флорет за жени, откако глобалното раководно тело во мечување (ФИЕ) ја поништи забрана за настап на спортисти од Русија и Белорусија.

На спортистите од двете земји им е забрането учество на многу меѓународни натпреварувања поради руската инвазија врз Украина и белоруската поддршка на војната.

Над 60 земји – членки на ФИЕ гласаа за укинување на забраната за руските и белоруските спортисти на минатонеделниот вонреден конгрес на ФИЕ.

Претседателката на германската мечувалечка федерација (ДФБ), Клаудија Бокел, рече синоќа дека одлуката предизвикала „жестока расправа“.

„Нашата солидарност е со народот на Украина кој страда од агресорска војна“, изјави Бокел.

Германија требаше да го организира женскиот Светскпот куп во флорет од 5 до 7 мај.