Премиерна изведба на театарската претстава „Мали vs ГОЛЕМ“ на драмско студио „ДрамаКидЗ“ од Охрид

Детското драмско студио „ДрамаКидЗ“ што работи во рамки на Центарот за ,лултура „Григор Прличев“ во Охрид вечерва ќе ја има премиернатра изведба на театарската претстава „Мали vs ГОЛЕМ“.

Театарската претстава е коавторско дело на драматургот Кристина Тодороска Петреска и режисерот Ирена Стеријовска, а обработува теми од секојдневието на младите личности нивниот глас и размислувања, наспроти образовниот систем и воопшто светот на возрасните.

Режијата е на Ирена Стеријовска, драматургијата на Кристина Тодороска- Петреска, а стручен сорботник е Зоран Левески. Светло мајстор е Борис Велјаноски, а ментори Зоран Пејкоски, Ѓорѓи Ризески, Филип Кипровски, Павел Маслов и Стрезо Стаматовски.

Најавено е дека после премиерната изведба, претставата ќе продолжи да се игра во рамки на редовниот репертоар, како и организирано по училиштата.

Детското драмско студио „ДрамаКидЗ“ започна со работа од октомври 2022 година и брои 26 членови од трето до осмо одделение.