Ф1: Ферстапен се израмни со Сена според бројот на победи

Со триумфот во трката за Големата награда на Канада во неделата вечер, холандскиот возач Макс Ферстапен дојде до својата 41 победа во Формула 1 со што се израмни со остварувањето на легендарниот Бразилец Аиртон Сена.

Воедно, Ферстапен на својата Ред Бул и ја донесе јубилејната 100 победа во конкуренција на конструктори.

Втор низ целта на патеката во Монтреал мина Шпанецот Фернандо Алонсо (Астон Мартин), додека на подиумот се искачи и третопласираниот Луис Хамилтон (Мерцедес).

По воведните осум трки оваа сезона, Ферстапен води во генералниот пласман со 195 бодови, 65 повеќе од Перез на второто и 78 повеќе од Алонсо на третото место.