Честитка од СПМ по повод 23 Октомври, Денот на македонската револуционерна борба

Денес го славиме основањето на Македонската револуционерна организација, првиот чекор до македонска држава. Денешниот 23 октомври го симболизира почетокот, но и континуитетот на македонската борба за независност.

Бележиме 130 години од храбрата и умна одлука на шестмината основоположници, македонски револуционери кои ги поставиле основите на симболот и знамето на борбите на Македонците за слобода.

Македонските социјалисти имаат своја историска улога и се составен дел од сите случувања, одлуки, сè до остварување на целите. Ние со гордост го нагласуваме нашето минато и поврзаност со македонскиот народ, за разлика од политичките субјекти од власта кои, неразбирајќи го значењето на денешниот ден и срамејќи се од македонската историја, со премолчување и нечествување го понижуваат и овој македонски празник, повторно газејќи врз достоинството на македонскиот народ.

Секој го избира патот по кој ќе оди, нашиот пат од пред 130 години е единствен и заеднички со патот на македонскиот народ.

Нека ни е честит денот на Македонската револуционерна борба! Вечна да е Организацијата! Да живее слободна Македонија!