Никола Карабатиќ влезе во историјата на европските ракометни првенства

Франција вечерва ѝ го нанесе првиот пораз на Хрватска на Европското ракометно првенство во Германија во натпревар во кој легендарниот француски ракометар Никола Карабатиќ испиша историја.

Француската репрезентација на средината од второто полувреме имаше водство од 25-22, кога Kарабатиќ зголеми на највисоки на натпреварот плус 4 со гол со кој влезе во историјата како најдобар стрелец на сите времиња на европските првенства, со вкупно 289 голови.

Карабатиќ натпреварот со заврши со пет голови, еден помалку од најефикасниот во француските редови оваа вечер Дика Мем.

Франција е на чело на групата 1 со четири бодови. Три бодови има Австрија, а Унгарија има два бода. Хрватска е четвртопласирана со еден бод, а без бодови се Германија и Исланд пред нивниот вечерашен дуел.