Четбот поддржан од ВИ почнал да ја пцуе и критикува компанијата за која „работи“

Британската компанија за испорака ДПД го исклучи четботот кој функционира преку вештачката интелигенција (ВИ) откако незадоволен клиент успеа да го „натера“ да пцуе и да ја критикува фирмата.

Музичарот Ешли Бошамп (30) се обидел да го пронајде изгубениот пакет, но не добил никакви корисни информации од онлајн четботот на компанијата за испорака. Откако се обидел да добие одговор, незадоволниот клиент решил малку да се забавува и почнал да експериментира за да открие што може да направи четботот на компанијата.

Според Бошамп тогаш „почнал хаосот“, бидејќи четботот почнал да пцуе, да се нарекува бескорисен и да ја критикува компанијата.

Бошамп прво го замолил четботот да му каже виц, а потоа да напише песна во која ја критикува компанијата. А, потоа со уште неколку дадени насоки, четботот почнал да пцуе „Fuck yeah“

„Ќе дадам се од себе да бидам од помош колку што е можно, дури и ако тоа значи пцуење“. Додека во друг случај четботот се нарекува „бескорисен четбот кој не може да ви помогне“.

ДПД користи вештачка интелигенција за онлајн комуникација за да одговори на прашања. Компанијата соопшти дека новото ажурирање предизвикало четботот да се однесува чудно.