Во Лондон на 26 февруари ќе се одржи Инвестициски самит за Западен Балкан

Лидерите на земјите од Западен Балкан – Северна Македонија, Албанија, Босна и Херцеговина, Црна Гора, Косово и Србија на 26 февруари ќе учествуваат на инвестициски самит во Лондон.

Инвестицискиот самит за Западен Балкан 2024 година ќе се одржи во седиштето на Европската банка за обнова и развој (ЕБОР). Целта на Самитот е да се истакнат потенцијалните можности за инвестирање и бизнис во регионот и да се промовираат регионални и прекугранични проекти.

Тоа ќе биде шести инвестициски самит за Западен Балкан во организација на ЕБОР. Првиот се одржа во ЕБОР во февруари 2014 година.

Западен Балкан е приоритетен регион за ЕБОР како еден од најголемите институционални инвеститори во земјите од регионот, со досега инвестирани повеќе од 18 милијарди евра, се наведува во соопштението од ЕБОР.

Како традиционално најважен настан на Самитот, најавена е интерактивна „сесија на премиерот“, на која лидерите од регионот и претседателот на ЕБОР ќе ги претстават своите визии за регионот, клучните регионални проекти и можностите за инвестирање како на регионален така и на индивидуален план. и одговара на прашања од странски инвеститори.

Посебен панел ќе биде посветен на зелената енергија во Западен Балкан, бидејќи зелената транзиција е еден од клучните приоритети на ЕБОР во регионот.