До крајот на работната седмица променливо време со повремен дожд

Во следните денови времето ќе биде променливо облачно, до крајот на работната седмица со повремени врнежи од дожд.

Од Управата за хидрометеоролошки работи информираат дека утре локални врнежи ќе има попладне и ќе бидат проследени со ретки грмежи.

Во четврток на повеќе места ќе биде нестабилно со пороен дожд и грмежи, а на планините врнежите ќе бидат од снег.