Тухел по победата над Лацио: Одигравме многу цврсто и дисциплинирано

Тренерот на Баерн Минхен, Томас Тухел, ја оцени играта на неговите избраници синоќа во реванш натпреварот од 1/8-финалето на Лигата на шампионите против Лацио.

Баварците победија со 3:0 и со вкупни 4:1 изборија пласман во четвртфиналната фаза на елитното фудбалско натпреварување.

- Беше многу цврст и дисциплиниран фудбал. Не ја изгубивме главата. Игравме малку поедноставно и делувавме во поефикасен ритам. Првиот гол ја подобри ситуацијата, но вториот беше многу навремен. Ова ни даде самодоверба, ја заслуживме оваа победа, изјави Тухел за веб-страницата на УЕФА.

Противникот на Баерн Минхен во четвртфиналето ќе биде одреден со ждрепка на 15 март.