Чествување на 90-годишнината од раѓањето на Петре М. Андреевски

Со повеќе настани денеска во демирхисарското село Слоештица, ќе бидат одбележани 90 години од раѓањето на македонски поет, романописец, раскажувач и драмски автор Петре М. Андреевски.

Одбежелувањето во Слоештица, неговото родно село и вечно почивалиште, го организира Македонското научно друштво – Битола, во соработка со Педагошки факултет – Битола, Универзитетот „Св. Климент Охридски“ – Битола, Студенското собрание при УКЛО, АРТ ПОИНТ - ГУМНО, с. Слоештица и Europe House – Битола.

Покрај посета и оддавање почит на гробот на Петре во с. Слоештица, предвидена е културна манифестација која вклучува литературно читање на дел од поезијата на Петре М. Андреевски и квиз со едукативен карактер, поврзан со неговиот лик и дело. Литературното читање и квизот ги подготвија студенти од Педагошки факултет – Битола, а ќе се реализираат во реновираниот Задружен дом во с. Слоештица.

Настанот ќе заврши во АРТ ПОИНТ - ГУМНО со свечено откривање на склуптура, инспирирана од прочуената „ДЕНИЦИЈА“ на Андреевски, а изработена од познатиот македонски уметник Никола Пијанманов.

На настанот, како што најавуваат организаторите, ќе присуствува и ќе се обрати амбасадорот на ЕУ во Скопје, Дејвид Гир.

Петре М. Андреевски е роден на 25-ти јуни 1934 година, во Слоешница, Демир Хисар, а почина на 25-ти Септември 2006 година.

Андреевски во своето литературно творештво вбројува голем број стихозбирки, раскази, есеи и романи, од кои посебно се издвојуваат се „Дениција“ и „Пиреј“