Туристички воз, изложба на олдтајмери, мото рели - дел од годинашниов „Тиквешки гроздобер“

Туристички воз, изложба на олдтајмери, мото рели се само дел од годинашната програма најавена за „Тиквешки гроздобер“.

Како што информираат од кавадаречката локална самоуправа, предвидени се и кошаркарски турнир „Сестри Китеви“, традиционалната „Таблијада“, домашна и странска музичка програма.

Традиционалниот тиквешки карневал е планиран за вториот ден од манифестацијата, а детското карневалско дефиле за последниот ден од настанот.

Кралица и крал има Кавадарци, вечерва се одржува Карневалот за време на манифестацијата „Тиквешки гроздобер“. Многубројни групи од земјава и странство, со најразлични маски, се дел од карнева

За посетителите во „Полициското паркче“ во градот, предвидени се староградска музика и скара.

Високи гости и делегации ќе бидат пречекани во Винскиот музеј.

Програмата, како што наведуваат од локалната самоуправа, ќе биде дополнително развиена до манифестацијата.

Годинава, „Тиквешки гроздобер“ во Кавадарци ќе се одржи на 6, 7 и 8 септември.