Алкараз прв финалист на Вимблдон

Третиот тенисер во светот, Шпанецот Карлос Алкараз, втора година по ред се пласираше во финалето на Вимблдон, совладувајќи го попладнево во полуфиналето Русинот Дањил Медведев (АТП – 5.) со 3-1 во сетови (6-7 (1), 6-3, 6-4, 6-4).

Првото полуфинале на централниот терен на Ол Ингланд се играше два часа и 55 минути.

Алкараз во неделното финале ќе ја брани титулата против победникот од вториот полуфинален дуел, во кој вториот светски рекет и седумкратен победник на Вимблдон, Србинот Новак Ѓоковиќ ќе игра против Италијанецот Лоренцо Мусети (АТП – 25.).