Хамилтон: Ги убедував во Сингапур да стартуваме со „медиум“ пневматици, не ме послушаа

Возачот на Мерцедес, Луис Хамилтон, проговори за контроверзната стратегија поради која го освои само шестото место на трката од Формула 1 шампионатот возена за Големата награда на Сингапур.

- Знам дека многу се зборува за последната трка и нашата стратегија во Сингапур што едноставно не функционираше. Природно е да се чувствувате фрустрирани кога ќе се случи нешто вакво, и ми беше лесно да ја изразам таа фрустрација. Знаевме дека започнувањето со меки гуми е храбра и ризична одлука. Јас ги убедував да тргнеме со „медиум“, но одлуката беше таа и на крајот се согласив со оваа препорака. Покрај тоа, погрешно пресметавме што би можеле да направат нашите противници, изјави Британецот.

Сепак, Хамилтон вели дека атмосферата во тимот е на високо ниво.

- Не се сомневајте дека се е одлично со нашиот тим. Во успешното партнерство, мора да поминете низ некои ниски падови пред да имате некои високи. Не се плашиме од тешки дискусии и тешки моменти - затоа постигнавме толку многу заедно. Ќе се поддржуваме до самиот крај. Сето тоа е љубов, рече Луис.

Следната етапа во Формула 1 шампионатот е од 18 – 20 октомври во САД.