Тетовскиот градоначалник со амбасадорот на Албанија делеше примероци од унифициран албански буквар во Тетово

Градоначалникот на Тетово Биљал Касами со амбасадорот на Албанија Денион Мејдани делеше унифициран буквар на албански јазик во ОУ „Наим Фрашери“. Касами и амбасадорот Денион Меидани делеа примероци од оваа книга во наставата по албански јазик.

По настанот Касами и Мејдани дадоа изјави за медиумите само на албански јазик. Превод не беше обезбеден за Мејдани, а Касами не даде изјава на македонски јазик.

Медиумите на албански јазик пренесоа дека амбасадорот Мејдани рекол дека букварот е повеќе од дидактичка алатка за да им помогне на учениците да го научат јазикот, како и дека се прават неопходни чекори за да букварот се направи главниот дидактички материјал и во Албанија и во Косово. Градоначалникот на Тетово Билал Касами истакнал дека во наредниот период ќе работат овој буквар да стане главен материјал за учење, а ќе продолжат и другите училишни учебници согласно законите во Македонија да се усогласат со Албанија и Косово.

Ова е втор пат јавно Касами да дели од овој буквар. Прв пат тоа го направи на почетокот на учебната година.

-Тој ќе биде поделен на сите училишта со образование на албански јазик и ќе биде користен како дополнителен материјал и сигурно ние ќе работиме во следниот период, тоа да се намали да биде и учебник кој ќе биде користен од сите ученици не само во Македонија, нели како што е и одлуката за сите Албанци. Тоа е учебник, унифициран за сите Албанци во Албанија, Косово, Македонија и секаде кај што живеат Албанците. Тоа е буквар со што Албанците првачиња ги учат буквите, рече Биљал Касами на 2 септември.