Кин се откажа од Манчестер Јунајтед: Не сум сигурен дека таму има тим

Легендарниот играч на Манчестер Јунајтед, Рој Кин изјави дека се откажал од „црвените ѓаволи“ бидејќи се чувствува очајно поради уште една лоша сезона. Тој го критикуваше својот поранешен тим во најновата епизода од поткастот на „Скај“, во кој беа редовните Гери Невил и Иан Рајт, а гостин им беше Вејн Руни.

-По мечот со Твенте. Многу слаб натпревар. Кога играчите ќе излезат и ќе кажат: „Мислам дека тие го сакаа тоа повеќе од нас“. Во овој момент веќе се откажав. Ако ова се сигналите од соблекувалната, не е изненадување што менаџерот е во неволја и не е изненадување што не добиваат натпревари. Ќе добијат некои натпревари, но ќе загубат многу. Не сум сигурен дека таму има тим, изјави тој.

Кин зборуваше и за изборот на Тен Хаг за ремито 0-0 со Астон Вила. Тогаш Холанѓанецот ги пушти Хари Мегваер и Џони Еванс како стартери.

-Не можете постојано да се навраќате на играчите кои се дел од проблемот. Новите момци треба да добијат шанса. Јунајтед отсекогаш бил поврзуван со добри луѓе и карактери кои можат да се справат да играат за клубот, но не гледам дека тоа се случува во моментов. Не го препознавам овој тим и не го препознавам клубот. Пред неколку месеци се зборуваше дека во раководството доаѓаат нови луѓе и тие ќе ги решаваат проблемите. Потрошија многу пари за нови играчи, но се враќаат назад, истакна легендата на „црвените ѓаволи“