Навивачите на Белгија побараа оставка од Тедеско

Навивачите на белгиската фудбалска репрезентација, синоќа на натпреварот против Франција во 4. коло од групната фаза на Лигата на нации скандираа повик со кој бараа смена на селекторот на националниот тим Доменико Тедеско.

Натпреварот се одигра во Брисел и заврши со победа на Французите со 2:1.

Тедеско со белгиската репрезентација работи од февруари 2023 година. Под негово водство тимот одигра 22 натпревари, забележа 12 победи, шест пати ремизираше и загуби на четири средби.

Претходно, 39-годишниот фудбалски стручњак беше на чело на Лајпциг, Спартак Москва, Шалке и Ерзгебирге