Меси ја намали разликата во однос на Роналдо по хет-трик постигнувања

Фудбалерот на Интер Мајами и Аргентина, Лионел Меси постигна три гола за националниот тим ноќеска на натпреварот од 10. коло на јужноамериканскиот квалификациски турнир за Светското првенство 2026 против Боливија (6:0).

Триесет и седумгодишниот Аргентинец ја намали разликата во однос на напаѓачот на Ал-Наср и Португалија Кристијано Роналдо по бројот на хет-трикови во кариерата. Меси сега има 58 од нив, додека Роналдо 66.

Во 29 случаи кога постигнале три гола на еден натпревар, 39-годишниот Роналдо најмалку еден гол дал од белата точка, додека Меси има 12 вакви натпревари.

Меси игра за Интер Мајами во МЛС од летото 2023 година. Претходно играше за Барселона и ПСЖ. Вкупно, во текот на неговата кариера, постигна 740 гола на клупско ниво и 112 за репрезентацијата на Аргентина.