Погба: И Ибрахимовиќ да ми се јави, нема да одам во Милан

Фудбалерот од средниот ред на Јувентус, Пол Погба ја демантираше можноста за негова преселба во Милан.

- Дали ќе се приклучам на Милан? Невозможно. Ибрахимовиќ и да ме повика, знае дека нема да го изневерам Јувентус. Не се гледам себеси во друг дрес. Фокусиран сум на враќање во Јувентус, изјави Погба за „Скај Спорт“.

Французинот раскажа како ја доживува ситуацијата со неговата суспензија поради кршење на антидопинг правилата.

- Тоа беше шок за мене и моето семејство. Тоа зеде данок на мојата психа. Беше навистина тешко време и моравме да бидеме трпеливи. Важно беше да се задржи вербата и позитивниот став за да си кажете дека работите ќе се подобрат. Затоа што знам дека сум невин и ова е многу тешка казна. Четири години се многу, и тоа е неправедно, додаде Погба.

На 31-годишниот фудбалер му беше намалена казната од 4 години на 18 месеци откако беше одобрена жалбата до CAS, а тој ќе може да се врати во професионалниот фудбал во март 2025 година