Мота за ремито со Парма: Им дадовме толку многу шанси на нашите противници

Тренерот на Јувентус, Тиаго Мота ги искажа впечатоците за играта на неговиот тим синоќа во ремито со Парма (2:2) во 10. коло од Серија А.

-Дадовме толку многу шанси и самите ги создадовме за противникот. Треба да се подобриме за да ги добиеме резултатите што сакаме да ги постигнеме. Направивме грешки при последните приоди кон противничкиот гол - ни недостасуваше последното додавање и завршницата, изјави Мота по натпреварот.

Јувентус ја продолжи серијата без пораз - тимот нема пораз оваа сезона (4 победи и 6 нерешени). Торинскиот тим е на 4. место во поредокот со 18 бодови.

Парма е на 14. место со 9 бодови.