Јончевски: Три четвртини одлично им париравме, беше тоа машка борба

Селекторот на кошаркарската репрезентација на Македонија, Александар Јончевски беше задоволен од играта на нашиот национален тим вечерва во Клаипеда.

Нашите репрезентативци доживеаја пораз од фаворитот со 72:94, и само теоретски шанси за пласмaн на Евробаскетот

-Иако овој натпревар заврши со поголема разлика од претходниот, покажавме поквалитетна игра, пожртвуваност, одговоривме на нивниот притисок и три четвртини одлично им париравме. Беше тоа машка борба. Она што можам да го заклучам од двата меча е дека ни фали игра под кошевите, ни фалат тие ситуации кога треба да го затвориме рекетот и да ги собереме сите промашени шутеви, но и со офанзивен скок да нападнеме, да стигнеме до поени од втора шанса. Денеска имавме вкупно три скока од високите играчи, што е катастрофално за еден ваков натпревар, истакна нашиот селектор по завршувањето на средбата во Клаипеда.