Починат Скопјанец пронајден во автомобил

Починат маж во автомобил во Црна Река бил пронајден вчера во Росоман, телото било дадено на обдукција, информираа денеска од СВР Велес.

- Вчера во 07.15 часот во ОВР Кавадарци било пријавено дека во речното корито на Црна река во Росоман било пронајдено патничко возило „рено“ со скопски регистарски ознаки, а на возачкото седиште бил пронајден починат С.К.(63) од Скопје. Од екипа на Територијална противпожарна единица Кавадарци возилото било извлечено, а лекар од Итна медицинска помош констатирал смрт без видливи траги на насилство, соопштија од СВР Велес.

Увид извршил јавен обвинител од Кавадарци во содејство со увидна екипа од ОВР Кавадарци. По наредба на јавен обвинител телото на починатиот било дадено на обдукција.